ପାଟନା ରେ ଆତଙ୍କରାଜ : ହସ୍ପିଟାଲ ରେ ଗୁଳିକାଣ୍ଡ

ପାଟନା :- ବିହାର ରାଜ୍ୟ ରାଜଧାନୀ ପାଟନାର ଏକ ହସ୍ପିଟାଲ ଭିତରେ ଗୁଳିକାଣ୍ଡ ଘଟିଛି। ଚିକିତ୍ସା ପାଇଁ ହସ୍ପିଟାଲକୁ ଅଣାଯାଇଥିବା ଜଣେ ଅଭିଯୁକ୍ତଙ୍କୁ ପାଞ୍ଚ ଜଣ ଦୁର୍ବୃତ୍ତ ଗୁଳି କରି ହତ୍ୟା କରିଛନ୍ତି। ଏହି ଘଟଣା ହସ୍ପିଟାଲରେ ଆତଙ୍କ ସୃଷ୍ଟି କରିଛି। ପୋଲିସ ୧୨ ଜଣଙ୍କୁ ଗିରଫ କରିଛି ଏବଂ ସେମାନଙ୍କୁ ପଚରାଉଚରା କରୁଛି।

ପୋଲିସ ସୂତ୍ର ଅନୁଯାୟୀ, ମୃତକଙ୍କ ନାମ ଚନ୍ଦନ ମିଶ୍ର। ତାଙ୍କୁ ପାରୋଲରେ ମୁକ୍ତ କରାଯାଇଥିଲା। ଅସୁସ୍ଥତା ଯୋଗୁଁ ତାଙ୍କୁ ପାଟନାର ପାରସ ହସ୍ପିଟାଲକୁ ଅଣାଯାଇଥିଲା। ହଠାତ୍ ପାଞ୍ଚ ଜଣ ଦୁର୍ବୃତ୍ତ ଚନ୍ଦନ ଥିବା ୱାର୍ଡରେ ପ୍ରବେଶ କରି ତାଙ୍କୁ ଗୁଳି କରି ହତ୍ୟା କରିଥିଲେ। ଏହା ପରେ ସେମାନେ ପଳାଇ ଯାଇଥିଲେ। ହସ୍ପିଟାଲ ଭିତରେ ଜଣେ ରୋଗୀଙ୍କୁ ଗୁଳି କରି ହତ୍ୟା କରିବା ପରେ, ଦୁର୍ବୃତ୍ତମାନେ କିପରି ଅକ୍ଷତ ଭାବରେ ଖସି ପଳାଇଲେ ସେ ବିଷୟରେ ପ୍ରଶ୍ନ ଉଠୁଛି। ରୋଗୀଙ୍କ ସୁରକ୍ଷା ଉପରେ ମଧ୍ୟ ପ୍ରଶ୍ନ ଉଠିବା ଆରମ୍ଭ ହୋଇଛି।

ଲିଶ୍ କହିଛନ୍ତି ଯେ ଚନ୍ଦନଙ୍କ ବିରୋଧରେ ଅପହରଣ ଏବଂ ବଟି ଆଦାୟ ସମେତ ବହୁ ମାମଲା ବିଚାରାଧୀନ ଅଛି। ବକ୍ସରର କେଶରୀ ନାମକ ଜଣେ ରଙ୍ଗ ବ୍ୟବସାୟୀଙ୍କ ହତ୍ୟା ପାଇଁ ତାଙ୍କ ବିରୁଦ୍ଧରେ ମାମଲା ଚାଲୁଥିଲା। ସେ ସେହି ମାମଲାରେ ଜେଲରେ ଥିଲେ। ଚନ୍ଦନଙ୍କୁ ସମ୍ପ୍ରତି ପାରୋଲରେ ମୁକ୍ତ କରାଯାଇଥିଲା। ସେ ତାଙ୍କ ଶାରୀରିକ ଅସୁସ୍ଥତା ଯୋଗୁଁ ପାଟନା ହସ୍ପିଟାଲକୁ ଚିକିତ୍ସା ପାଇଁ ଆସିଥିଲେ। ହସ୍ପିଟାଲରେ ପ୍ରବେଶ କରିବା ସମୟରେ ତାଙ୍କୁ ଗୁଳି କରାଯାଇଥିଲା। ପୋଲିସ ସନ୍ଦେହ କରୁଛି ଯେ ଚନ୍ଦନର ପ୍ରତିଦ୍ୱନ୍ଦ୍ୱୀ ଗ୍ୟାଙ୍ଗ ଶେରୁ ଏହି ହତ୍ୟାକାଣ୍ଡରେ ସାମିଲ ଅଛି। ପାଟନା ପୋଲିସ ଅଧୀକ୍ଷକ କାର୍ତ୍ତିକ କେ ଶର୍ମା କହିଛନ୍ତି ଯେ ଚନ୍ଦନ ଜଣେ କୁଖ୍ୟାତ ଅପରାଧୀ ଥିଲା। ଏହା ଏକ ଗ୍ୟାଙ୍ଗ ୱାରର ଘଟଣା। ଆକ୍ରମଣକାରୀମାନଙ୍କୁ ଚିହ୍ନଟ କରାଯାଇଛି। ସେମାନଙ୍କୁ ଖୁବ୍ ଶୀଘ୍ର ଗିରଫ କରାଯିବ।