ଔଷଧ ଦୋକାନୀକୁ ଖଣ୍ଡାରେ ହାଣିଲେ ଦୁବୃର୍ତ୍ତ

ବ୍ରହ୍ମପୁର :- ସଦର ଥାନା ଅନ୍ତର୍ଗତ ଲାଠି ଗ୍ରାମ ତଳ ସାହି ନିକଟ ଶଙ୍ଖଠାରେ ଜଣେ ଔଷଧ ଦୋକାନୀକୁ ଖଣ୍ଡାରେ ଆକ୍ରମଣ ହୋଇଛି । ଆକ୍ରମଣର ଶିକାର ଯୁବକ ଜଣକ ଗଙ୍ଗା ପଣ୍ଡା(୬୦) । ସେ ଜଣେ କୀଟନାସକ ଔଷଧ ଦୋକାନ ମାଲିକ ବୋଲି ଜଣାପଡ଼ିଛି । ସୂଚନାଯୋଗ୍ୟ ଯେ, ଗଙ୍ଗା ଲାଠି ଗ୍ରାମରେ କୀଟନାସକ ଔଷଧ ଦୋକାନ କରିଛନ୍ତି ।ଗତ କିଛିମାସ ପୂର୍ବେ ଲାଠି ଗ୍ରାମର ଜଡ଼ା ବୋଲି ଜଣେ ବ୍ୟକ୍ତି ଗଙ୍ଗାଙ୍କ ଦୋକାନ ନିକଟକୁ ଆସି କହିଥିଲେ କି ତାଙ୍କ ଭାଇ ମାନସିକ ଚିନ୍ତାରେ ରହୁଛି । କେତେବେଳେ ବିଷ ପିଇ ଆତ୍ମହତ୍ୟା କରିଦେବ । ଭାଇ ଯଦି ଦୋକାନକୁ ଆସିବ ତେବେ କିଛି ଔଷଧ ଦେବ ନାହିଁ । ସେହିକ୍ରମରେ ଜଡ଼ାର ଭାଇ ଗଙ୍ଗାର ଦୋକାନକୁ ଆସିଲେ ଔଷଧ ଦେବାର ନାହିଁ । ବାରମ୍ବାର ସେ ଆସିବା ପରେ ଦିନେ ଗଙ୍ଗା ଔଷଧ ଦେଇଥିଲା । ଔଷଧ ମିଳିବା ପରେ ଜଡ଼ାର ଭାଇ ଆତ୍ମହତ୍ୟା କରିଥିଲେ । ବାରମ୍ବାର କହିବା ପରେ ମଧ୍ୟ ଗଙ୍ଗା ଔଷଧ ଦେବାରୁ ଜଡ଼ାର ଗଙ୍ଗା ପ୍ରତି ରୋଗ ବଢିଥିଲା । ଭାଇ ଆତ୍ମହତ୍ୟା ପାଇଁ ଗଙ୍ଗା ଦାଇ ଭାବି ଜଡ଼ା ଆଜି ରାତିରେ ଗଙ୍ଗା ଦୋକାନ ବନ୍ଦ କରି ଘରକୁ ଫେରୁଥିବା ବେଳେ ଜଡ଼ା ପଛପଟୁ
ଖଣ୍ଡା ଓ ଧାରୁଆ ଅସ୍ତ୍ରରେ ଆକ୍ରମଣ କରିଥିଲା । ଖଣ୍ଡା ଚୋଟରେ ଗଙ୍ଗାର ମୁଣ୍ଡ ଓ ଛାତିରେ ଗଭୀତ ଆଘାତ ଲାଗିଛି । ସ୍ଥାନୀୟ ଲୋକେ ଓ ଗଙ୍ଗାଙ୍କ ପରିବାର ଲୋକେ ଉଦ୍ଧାର କରି ବ୍ରହ୍ମପୁର ଏମକେସିଜି ମେଡ଼ିକାଲରେ ଭର୍ତ୍ତି କରିଥିଲେ । ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ମେଡ଼ିକାଲରେ ଆହତ ଗଙ୍ଗାଙ୍କ ବୟାନ ରେକର୍ଡ କରିଛି । ପୁଲିସ ଅଭିଯୁକ୍ତ ଜଡ଼ାକୁ ଉଠାଇ ଆଣି ଥାନାରେ ଅଟକ ରଖି ପଚରାଉଚରା କରୁଛି । ଜଡ଼ା କହିପାରୁ ନଥିବା ହେତୁ ପୁଲିସ ତଥ୍ୟ ହାସଲ କରିବାରେ ଟିକେ ବିଳମ୍ବ ହେଉଛି । ବର୍ତ୍ତମାନ ତଦନ୍ତ ଚାଲିଛି ।କେଉଁ କାରଣ ପାଇଁ ଗଙ୍ଗାକୁ ଆକ୍ରମଣ କରାଯାଇଛି ତାହା ତଦନ୍ତ ଶେଷ ପରେ ହିଁ ଜଣାପଡ଼ିବ ବୋଲି ଥାନା ଅଧିକାରୀ ରାମ ସୁବ୍ରମଣିମ ପ୍ରଧାନ ସୂଚନା ଦେଇଛନ୍ତି।