ଓଡିଶା ର ବରପୁତ୍ର ବିଜୁ ପଟ୍ଟନାୟକ ଙ୍କ ଜନ୍ମ ଜୟନ୍ତୀ ପାଳିତ

ଭୁବନେଶ୍ୱର :- ସାରା ଓଡ଼ିଶାରେ ପ୍ରବାଦ ପୁରୁଷ ବିଜୁ ପଟ୍ଟନାୟକ ଙ୍କ ୧୧୦ତମ ଜନ୍ମଜୟନ୍ତୀ ଅବସରରେ ବିଜୁ ଯୁବ ଜନତା ଦଳ ପକ୍ଷରୁ ବିଭିନ୍ନ ସାମାଜିକ ଓ ସେବାମୂଳକ କାର୍ଯ୍ୟକ୍ରମ ଗରିମାମୟ ଭାବେ ଆୟୋଜିତ ହୋଇଯାଇଛି।

ରାଜ୍ୟର ସମସ୍ତ ଜିଲ୍ଲାରେ ପୁଷ୍ପାଞ୍ଜଳି ଅର୍ପଣ, ରକ୍ତଦାନ ଶିବିର, ଗଛରୋପଣ, ସ୍ୱଚ୍ଛତା ଅଭିଯାନ ଓ ଦରିଦ୍ର ଓ ଆବଶ୍ୟକତାମାନଙ୍କୁ ସାହାଯ୍ୟ ପ୍ରଦାନ ଭଳି କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଯୁବ କାର୍ଯ୍ୟକର୍ତ୍ତାମାନଙ୍କ ନିଷ୍ଠା, ଶୃଙ୍ଖଳା ଓ ସେବାମନୋଭାବ ପ୍ରବାଦ ପୁରୁଷଙ୍କ ଆଦର୍ଶକୁ ପୁନର୍ବାର ଉଜ୍ଜୀବିତ କରିଥିବା ଦେଖାଯାଇଥିଲା।

ଏହି ସଫଳ ଆୟୋଜନ ପାଇଁ ବିଜୁ ଯୁବ ଜନତା ଦଳର ସମସ୍ତ କର୍ମକର୍ତ୍ତା ଓ ସଦସ୍ୟଙ୍କୁ ରାଜ୍ୟ ସଭାପତି ଚିନ୍ମୟ ସାହୁ ଅନ୍ତରରୁ ଅନେକ ଅନେକ ସାଧୁବାଦ ଓ ଧନ୍ୟବାଦ ଜଣାଇଛନ୍ତି। ସେ କହିଥିଲେ ଯେ, ବିଜୁ ବାବୁଙ୍କ ଦୃଢ଼ ନେତୃତ୍ୱ, ଦୂରଦର୍ଶିତା ଓ ଓଡ଼ିଶାର ଗୌରବ ପାଇଁ ତାଙ୍କ ଅବଦାନ ଯୁବ ସମାଜକୁ ସଦା ପ୍ରେରିତ କରିବ।