କ୍ଲଷ୍ଟର ସ୍ତରୀୟ ସୁରଭି ଶିଶୁ ମହୋତ୍ସବ ଅନୁଷ୍ଠିତ

ଖୋରଧା, (୧୪/୧୦):- କାଇପଦର ଓ ବଙ୍ଗିଦା ପଞ୍ଚାୟତ ଅଧୀନରେ ଥିବା ଆଠ ଗୋଟି ବିଦ୍ୟାଳୟ ଓ ଦୁଇଟି ମହା ବିଦ୍ୟାଳୟ ର ଛାତ୍ର ଛାତ୍ରୀ ମାନଙ୍କୁ ନେଇ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ କାଇପଦର ମାଳିସାହି ଠାରେ କାଇପଦର କ୍ଲଷ୍ଟର ସ୍ତରୀୟ ସୁରଭି,୨୦୨୫ ଶିଶୁ ମହୋତ୍ସବ ସିଆରସିସି ବାଗେଶ୍ରୀ ମହାପାତ୍ର ଙ୍କ ଅଧକ୍ଷତାରେ ଯଥାରିତି ଅନୁଷ୍ଠିତ ହୋଇଯାଇଛି ।

ଉକ୍ତ ମହୋତ୍ସବ ରେ କାଇପଦର ପଞ୍ଚାୟତ ର ସରପଞ୍ଚଙ୍କ ପ୍ରତିନିଧି ବିଜୟ କୁମାର ବରିସଲ ମୁଖ୍ୟ ଅତିଥି ତଥା ଶ୍ରୀଜଗନ୍ନାଥ ମହାବିଦ୍ୟାଳୟ ର କାର୍ଯ୍ୟରତ ଅଧକ୍ଷ ଉମେଶ କୁମାର ସାହୁ, ପୂର୍ବତନ ଅଧକ୍ଷ ଶ୍ରୀଯୁକ୍ତ ପ୍ରତାପ କିଶୋର ଛୋଟରାୟ, ସମାଜ ସେବୀ ଭିକାରୀ ଚରଣ ବଳିୟାର ସିଂହ, ଶିକ୍ଷାବିତ ରଜନୀକାନ୍ତ ରାଉତରାୟ ସମ୍ମାନିତ ଅତିଥି ଭାବରେ ଯୋଗ ଦେଇ ସଭା ଉଦଘାଟନ କରିଥିଲେ ଓ ପ୍ରତି ଯୋଗିତା ପରିଚାଳନା କରିଥିଲେ । ଚିତ୍ରାଙ୍କନ, ବକ୍ତୃତା, ସାଧାରଣ ଜ୍ଞାନ, ସଂଗୀତ, ସାଂସ୍କୃତିକ କାର୍ଯ୍ୟକ୍ରମ ଭଳି ବାରଟି ବିଭାଗ ତଥା ପ୍ରଥମ ଶ୍ରେଣୀ ଠାରୁ ତୃତୀୟ ଶ୍ରେଣୀ ପର୍ଯ୍ୟନ୍ତ ପିଲାମାନଙ୍କ ପାଇଁ ମଧ୍ୟ ଅନୁରୂପ ପ୍ରତିଯୋଗିତା ଅନୁଷ୍ଠିତ ହୋଇଥିଲା ।
ଦ୍ଵିତୀୟାର୍ଦ୍ଧ ରେ ସରକାରୀ ଉଚ ପ୍ରାଥମିକ ବିଦ୍ୟାଳୟ ଆଡଖଣ୍ଡିଆ ର ପୂର୍ବତନ ପ୍ରଧାନ ଶିକ୍ଷୟିତ୍ରୀ ଟୁନୀ ଦେଈ, ତ୍ରିଲୋଚନ ବେହେରା, ମୁଖ୍ୟମନ୍ତ୍ରୀ ପୁର ସ୍କାର ପ୍ରାପ୍ତ ଆଶିଷ କୁମାର ରାୟ, ପ୍ରାଥମିକ ଶିକ୍ଷକ ସଙ୍ଘ ର ଉପ ସଭା ପତି ଅଗାଧୁ ସେଠୀ ବିଦ୍ୟାଳୟ ପରିଚାଳନା କମିଟି ର ସଭାପତି ରବୀନ୍ଦ୍ର ନାଥ ସାହୁ, ମନୋରମା ସ୍ୱାଇଁ ପ୍ରମୁଖ ଉପସ୍ଥିତ ରହି କୃତିତ୍ୱ ଅର୍ଜନ କରିଥିବା ଛାତ୍ର ଛାତ୍ରୀ ମାନଂକୁ ଟ୍ରଫି ଓ ମାନପତ୍ର ପ୍ରଦାନ କରିଥିଲେ

ଯେଉଁ ପିଲାମାନେ କ୍ଲଷ୍ଟର ସ୍ତରୀୟ କାର୍ଯ୍ୟକ୍ରମ ରେ ପ୍ରଥମ ସ୍ଥାନ ଅଧିକାର କରିଛନ୍ତି ସେମାନେ ବ୍ଲକ ସୁରଭି କାର୍ଯ୍ୟକ୍ରମ ରେ ଅଂଶ ଗ୍ରହଣ କରିବେ ବୋଲି ସିଆର ସିସି ସୂଚନା ପ୍ରଦାନ କରିଥିଲେ ।ପରିଶେଷରେ ଉକ୍ତ ବିଦ୍ୟାଳୟ ର ପ୍ରଧାନ ଶିକ୍ଷକ ନବ କିଶୋର ମଲ୍ଲିକ ସମସ୍ତ ଙ୍କୁ ଧନ୍ୟବାଦ ଅର୍ପଣ କରି ସଭା ସାଙ୍ଗ କରିଥିଲେ ।