ଖୋର୍ଦ୍ଧା, ୧୬ / ୮ ( ଶୁଭ ଖବର ) : ବେଗୁନିଆ ବ୍ଲକ ସାରୁଅ ପଞ୍ଚାୟତ ମୁଖ୍ୟାଳୟରେ ଅବସ୍ଥିତ ଅଞ୍ଚଳର ଆରାଧ୍ୟା ଠାକୁରାଣୀ ” ମା ‘ ଗହିରୀ ବଘେଇ ” ଙ୍କ ମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି ଏକ ସାହିତ୍ୟ ଆସର ।ମନ୍ଦିର ପରିଚାଳନା କମିଟି ଆନୁକୂଲ୍ୟରେ ଆୟୋଜିତ “ସାମ୍ପ୍ରତିକ ସମାଜ ଓ ସନ୍ତ୍ରସ୍ତ ନାରୀ ” ଶୀର୍ଷକ ଆଲୋଚନା ଚକ୍ର ଓ କବିତା ପାଠରେ ଅବସରପ୍ରାପ୍ତ ପ୍ରଧାନ ଶିକ୍ଷକ କୈଳାସ ଚନ୍ଦ୍ର ମାଣ୍ଡୋଇ ପୌରୋହିତ୍ୟ କରିଥିଲେ । ପ୍ରଥମେ ସେବକ ବାସୁଦେବ ସାହୁ ଓ ଗଙ୍ଗାଧର ସାହୁ ମା ‘ ଗହିରୀ ବାଘଇ’ଙ୍କ ପୂଜାର୍ଚ୍ଚନା କରିଥିଲେ । ଗାୟକ ବସନ୍ତ କୁମାର ଦାସଙ୍କ ମଙ୍ଗଳା ଚରଣ ପାଠ ସହ କାର୍ଯ୍ୟକ୍ରମର ଶୁଭାରମ୍ଭ ହୋଇଥିଲା । କାର୍ଯ୍ୟକ୍ରମ ସଂଯୋଜକ ପ୍ରଫେସର ରବୀନ୍ଦ୍ର ନାଥ ପାଣିଗ୍ରାହୀ ସ୍ୱାଗତ ଭାଷଣ ଦେବାସହ ସ୍ୱରଚିତ ଆବାହନୀ ସଙ୍ଗୀତ ଗାନ କରିଥିଲେ । ଏଥିରେ ପୂର୍ବତନ ପ୍ରଶାସନିକ ଅଧିକାରୀ ଓ କଥାକାର ସୁରେଶ ଛୋଟରାୟ ମୁଖ୍ୟ ଅତିଥି, ରସାୟନବିଜ୍ଞାନୀ ଡ. ହରିପ୍ରସାଦ ଦାସ ମୁଖ୍ୟ ବକ୍ତା, ପ୍ରାକ୍ତନ ପ୍ରଶାସନିକ ଅଧିକାରୀ ସୁଧାକର ସାମନ୍ତରାୟ , ସ୍ଥାନୀୟ ସରପଞ୍ଚ ରଞ୍ଜିତା ମହାଭୋଇ ଓ କବୟିତ୍ରୀ ଡ. ଗୀତାଞ୍ଜଳି ମହାପାତ୍ର ସମ୍ମାନିତ ଅତିଥି ରୂପେ ଯୋଗଦେଇ କେବଳ ଆଇନ ନୁହେଁ, ବ୍ୟାପକ ଜନସଚେତନତା ସହ ଶୁଦ୍ଧ ଓ ସକାରାତ୍ମକ ଦୃଷ୍ଟିଭଙ୍ଗୀ ଆପଣାଇଲେ ନାରୀ ନିର୍ଯାତନା ଦୂର ହୋଇପାରିବ ବୋଲି ମତବ୍ୟକ୍ତ କରିଥିଲେ ।
ଆଲୋଚନା ଚକ୍ର ଓ କବିତା ପାଠ ରେ ଯୋଗଦେଇଥିବା ମହାନ୍ ବ୍ୟକ୍ତିତ୍ଵ
ଏହି ଅବସରରେ ଶିକ୍ଷକ ଲକ୍ଷ୍ମୀଧର ମହାପାତ୍ରଙ୍କ ସଂଯୋଜନାରେ ଅନୁଷ୍ଠିତ କବିତା ପାଠରେ କବୟିତ୍ରୀ ମାନସୀ ଦାସ , ବାସନ୍ତୀ ମହାପାତ୍ର, କବି ଦିବ୍ୟଲୋଚନ ଭାରିମଲ , ଲୁଣ୍ଡୁ ତ୍ରିପାଠୀ, ବଂଶୀଧର ପଣ୍ଡା, ଧନଞ୍ଜୟ ଶ୍ରୀଚନ୍ଦନ ମହାପାତ୍ର , ବସନ୍ତ କୁମାର ସାହୁ , ଗୁରୁକୁମାର ପାଣିଗ୍ରାହୀ , ଅଧ୍ୟାପକ ରଙ୍କନିଧି ବଳିୟାରସିଂହ , ଶିକ୍ଷାବିତ ହରିବନ୍ଧୁ ପଣ୍ଡା , ବ୍ରଜବନ୍ଧୁ ପଣ୍ଡା, ଭାଗବତ ମହାପାତ୍ର, ବସନ୍ତ କୁମାର ମହାପାତ୍ର, ଅଶ୍ବିନୀ କୁମାର ପଟ୍ଟନାୟକ , ରସାନନ୍ଦ ସାମନ୍ତରାୟ ,ଦୀନବନ୍ଧୁ ଦାଶ ,ଜହ୍ନମଣି ଦେଇ ଓ ବିଜୟଲକ୍ଷ୍ମୀ ଷଡ଼ଙ୍ଗୀ ପ୍ରମୁଖ ବହୁ କବି ଓ କବୟିତ୍ରୀ ଅଂଶଗ୍ରହଣ କରିଥିଲେ । ଶେଷରେ ଗାୟକ ହରିହର ମହାପାତ୍ର ଉଦଯାପନୀ ସଙ୍ଗୀତ ଗାନ କରିଥିବା ବେଳେ ଶିକ୍ଷକ ଦାଶରଥି ସୁବୁଦ୍ଧି ଧନ୍ୟବାଦ ଅର୍ପଣ କରିଥିଲେ ।
Subha Khabar is now on Whatsapp
Join and get latest news update delivered to you via whatsapp
Join Now
