ପ୍ରାଣୀଧନ ନୀରିକ୍ଷକଙ୍କ କାର୍ଯ୍ୟ ରେ ଅନିୟମିତତା ଯୋଗୁଁ ବ୍ୟାପିଲାଣି ସାହାଣ ରୋଗ .. ସାଧାରଣରେ ଅସନ୍ତୋଷ

ପରିତ୍ୟକ୍ତ ଅବସ୍ଥାରେ ରେ ଅଛି ପ୍ରାଣୀ ସହାୟକ କେନ୍ଦ୍ର

ବାରମ୍ବାର ବିଭାଗୀୟ ଅଧିକାରୀ ଙ୍କ ଦୃଷ୍ଟି ଆକର୍ଷଣ କଲେ ମଧ୍ୟ ନିଘୋଡ଼ ନିଦ୍ରା ରେ ପ୍ରଶାସନ

ଖୋର୍ଦ୍ଧା :- ବେଗୁନିଆ ବ୍ଲକ ଅନ୍ତର୍ଗତ ପୋଡ଼ାଡିହ ପ୍ରାଣୀ ସହାୟକ କେନ୍ଦ୍ରର ନୀରିକ୍ଷକଙ୍କ ଅନିୟମିତତା କାର୍ଯ୍ୟ ଯୋଗୁଁ ସାଧାରଣରେ ଅସନ୍ତୋଷ ସୃଷ୍ଟି ହୋଇଛି । ଗ୍ରାମବାସୀ ବେଗୁନିଆ ପଶୁ ଚିକିତ୍ସା ଅଧିକାରୀ ଡଃ ପ୍ରିତିଶ କୁମାର ରଥଙ୍କୁ ଲିଖିତ ଭାବେ ଅଭିଯୋଗ କରିଛନ୍ତି। ସୂଚନା ଅନୁଯାୟୀ ବର୍ଷା ଦିନରେ ପ୍ରାୟତଃ ଗୃହ ପାଳିତ ଗାଈ ଓ ଗୋରୁ ମାନଙ୍କୁ ବଜବଜିଆ, ସାହାଣ ଓ ଜ୍ବର ଭଳି ରୋଗ ହେଉଥିବା ବେଳେ ପଶୁ ସହାୟକ କେନ୍ଦ୍ରର ନୀରିକ୍ଷକଙ୍କ ଅନୁପସ୍ଥିତ ଯୋଗୁଁ ରୋଗ ବ୍ୟାପିବାରେ ଲାଗିଛି। ଏହାର ପ୍ରତିକାର କରିବା ପାଇଁ ଅବଗତ କରିଥିଲେ ମଧ୍ୟ କେନ୍ଦ୍ର ଓ ଅଧିକାରୀ ଠିକ୍ କର୍ତ୍ତବ୍ୟ ନ କରିବା ଯୋଗୁଁ ସାଧାରଣ ଲୋକ ମାନଙ୍କ ମନରେ କ୍ଷୋଭ ପ୍ରକାଶ ପାଇଛି । ତୁରନ୍ତ ଘଟଣାର ସତ୍ୟତା ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ଜନ ସାଧାରଣ ଦାବୀ କରିଛନ୍ତି । ଏହି ଘଟଣାରେ ବେଗୁନିଆ ପଶୁ ଚିକିତ୍ସାଳୟ ଅଧିକାରୀ ଶ୍ରୀ ରଥଙ୍କୁ ପଚାରିବାରେ ଘଟଣା ସମ୍ପର୍କରେ ଅବଗତ ରହିବା ସହ ଆସନ୍ତାକାଲି ଘଟଣାର ତଦନ୍ତ କରାଯିବ ବୋଲି କହିଛନ୍ତି ।